Tillagan að endurnýjuðu flutningskerfi raforku á Suðvesturlandi, sem kynnt er til sögu í mati á umhverfisáhrifum, varð í stórum dráttum til í samráðsferli Landsnets, sveitarfélaga og fleiri aðila sem hagsmuna eiga að gæta. Hún er því sett fram að vandlega athuguðu máli og í ferlinu hefur margt breyst í veigamiklum atriðum frá upphaflegum áformum um línulagnir á svæðinu.
Verkefnið tekur til meginflutningskerfisins frá Hellisheiði um Hafnarfjörð suður á Njarðvíkurheiði og tengingar virkjana og orkunotenda við það.
Háspennulínurnar munu liggja um 12 sveitarfélög á svæðinu:
| Sveitarfélagið Ölfus | Mosfellsbæ |
| Reykjavíkurborg | Seltjarnarnesbæ |
| Kópavogsbæ | Garðabæ |
| Sveitarfélagið Álftanes | Hafnarfjarðarbæ |
| Sveitarfélagið Voga | Reykjanesbæ |
| Grindavíkurbæ | Sveitarfélagið Garð |
Verkefnið varðar að auki alls um 150 landeigendur, bæði einstaklinga, félög og opinbera aðila.
Fuglar og gróður á línuleiðum á Suðvesturlandi