Núverandi meirihluti sveitarstjórnar Voga hefur byggt afstöðu sína um að háspennulínur þær sem Landsnet hyggst reisa skuli leggja í jörð að stórum hluta á greinargerð Almennu verkfræðistofunnar (AV) sem gerð var í mars 2008, eins og meðal annars kemur fram í frétt RÚV í kvöldfréttum sjónvarps, 11. október sl. Landsnet mótmælti strax á þeim tíma forsendum sem lagðar voru til grundvallar landverði í skýrslu AV og hvernig það var nýtt með margföldunaráhrifum til að lækka kostnaðarmun á milli háspennulína í lofti annars vegar og hins vegar háspenntra jarðstrengja.

Landsnet sendi í morgun frá sér eftirfarandi yfirlýsingu í tilefni af fréttaflutningi vegna samþykktar meirihluta bæjarstjórnar Voga sl. miðvikudag, þess efnis að aðalskipulag sveitarfélagsins „verði tekið upp meðal annars með það að markmiði að breyta þeim hluta Suðurnesjalína sem liggur innan sveitarféalgsins úr loftlínum í jarðstreng".

Oft er því varpað fram í umræðum um lagningu háspennulína að það hafi mun minni áhrif á umhverfið að leggja línurnar í jörð en loftleiðis á möstrum, nú síðast í tengslum við undirbúning að lagningu Suðvesturlína um Reykjanes. Vissulega má til sanns vegar færa að umhverfisáhrif jarðstrengja eru oft minni en loftlína en algilt er það alls ekki.

Landsnet hefur hafið undirbúning að styrkingu raforkuflutningskerfisins á Suðurnesjum frá Hafnarfirði að tengivirki við Rauðamel í Grindavík. Verkefnið felst í byggingu nýrrar 220 kV línu, Suðurnesjalínu 2.

Umhverfismati Suðvesturlína er lokið og hefur Skipulagsstofnun fallist á mat á umhverfisáhrifum framkvæmdarinnar með skilyrðum um vöktun. Umhverfisráðherra hefur jafnframt komist að þeirri niðurstöðu að ekki þurfi að fara fram sameiginlegt mat Suðvesturlína og annarra framkvæmda við iðnað eða orkuöflun sem eru í undirbúningi á suðvesturhorni landsins.

Umhverfisráðuneytið staðfesti í dag ákvörðun Skipulagsstofnunar um að ekki skuli fara fram sameiginlegt mat á umhverfisáhrifum framkvæmdarinnar Suðvesturlínur, styrking raforkuflutningskerfis á Suðvesturlandi, og öðrum framkvæmdum sem henni eru háðar og/eða eru á sama svæði.

Þrjár kærur hafa borist umhverfisráðuneytinu vegna ákvörðunar Skipulagsstofnunar um að ekki skuli fara fram sameiginlegt mat á umhverfisáhrifum Suðvesturlína og tengdra framkvæmda en kærufrestur rann út 4. desember síðastliðinn.

Undirbúningur Suðvesturlína var til umfjöllunar í Kastljósi Sjónvarpsins í gær. Þar ræddi Þóra Arnórsdóttir við þá Björgólf Thorsteinsson, formann Landverndar, Eirík Hjálmarsson, upplýsingafulltrúa Orkuveitu Reykjavíkur, og Ólaf Árnason, verkefnisstjóra Landsnets við mat á umhverfisáhrifum línanna.

Vegna umsagnar Landsnets til Skipulagsstofnunar um afstöðu fyrirtækisins til sameiginlegs mats á umhverfisáhrifum Suðvesturlína og orkuvera á Reykjanesi skal áréttað að Suðvesturlínur munu geta annað aflþörf stækkaðs álvers í Helguvík, ef til kemur, sem og öðrum framtíðaráformum um uppbyggingu iðnaðar og orkuöflun á svæðinu, sbr. umsögn fyrirtækisins til Skipulagsstofnunar dags. 14. október 2009.

Skipulagsstofnun ákvað í dag að Suðvesturlínur, styrking raforkuflutningskerfis á Suðvesturlandi skuli ekki metin með öðrum framkvæmdum sem henni eru háðar og/eða eru á sama svæði. Kærufrestur vegna ákvörðunarinnar er til 4. desember næstkomandi.