Opin hús til kynningar á frummatsskýrslunni 
Frummatsskýrsla fyrir Suðvesturlínur vegna mats á umhverfisáhrifum var lög inn til málsmeðferðar hjá Skipulagsstofnun 20. maí síðastliðinn og á næstunni efnir Landsnet til kynningar á niðurstöðum hennar á opnu húsi.
Fyrsta opna húsið verður föstudaginn 5. júní í Haukahúsinu á Ásvöllum í Hafnarfirði, kl. 16-19, sunnudaginn 7. júní verður opið hús í Kríunesi við Elliðavatn kl. 14-17 og mánudaginn 8. júní verður opið hús í Virkjun á Ásbrú í Reykjanesbæ kl. 16-19.
Öllum er velkomið að mæta og kynna sér niðurstöður frummatsskýrslunnar og ræða við starfsmenn Landsnets og sérfræðinga sem unnu að matsvinnunni. Allir hafa rétt til gera athugasemdir við frummatsskýrsluna og koma þeim skriflega á framfæri við Skipulagsstofnun, Laugavegi 166, 150 Reykjavík. Gögn vegna breytinga á aðalskipulagi sveitarfélaga, sem verkefnið nær til, munu einnig liggja frammi til kynningar á þessum fundum.
Frummatsskýrslan er aðgengileg á vef Landsnets, www.landsnet.is, á vef EFLU verkfræðistofu, www.efla.is, og á heimasíðu verkefnisins, www.sudvesturlinur.is.
Skýrslan liggur einnig frammi til kynningar til 2. júlí 2009 á skrifstofum eftirtalinna sveitarfélaga: Sveitarfélagsins Ölfuss, Mosfellsbæjar, Reykjavíkurborgar, Garðabæjar, Hafnarfjarðarbæjar, Kópavogsbæjar, Seltjarnarnesbæjar, Sveitarfélagsins Álftaness, Reykjanesbæjar, Grindavíkurbæjar, Sveitarfélagsins Voga og Sveitarfélagsins Garðs. Skýrslan er einnig aðgengileg á bæjarbókasafni Ölfuss, bókasafni Mosfellsbæjar, bókasafni Kópavogs, bókasafni Hafnarfjarðar og bókasafni Reykjanesbæjar, í Þjóðarbókhlöðunni og hjá Skipulagsstofnun.
Smellið á nöfnin til að fá nánari upplýsingar um staðsetningu Kríuness við Elliðavatn og Virkjunar í Reykjanesbæ, Flugvallarbraut 740 á Vallarheiði.
Fuglar og gróður á línuleiðum á Suðvesturlandi